Екі полиция сақшылары әжені бес қабатты үйдің түтінге толы кіреберісінен көтеріп алып шығып, дәрігерлерге тапсырды. Бейнежазба 10 қазан күні Талдықорған қаласы Қаблиса жырау көшесіндегі көпқабатты тұрғын үйде өртті сөндіру кезінде түсірілгені анықталды.
Өрт сөндірушілерден басқа адамдарды құтқару мен отты сөндіруге қалалық полиция қызметкерлері де атсалысқан. Атап айтқанда, учаскелік инспекторлар Серік Сәбитов пен Қуаныш Бикенов.
Жас офицерлер үй тұрғындарын эвакуациялау кезінде төмен қабаттағы пәтерді тексеруді ұйғарған, бекер болмады. Себебі пәтерде 90 жастағы жалғызбасты әже тұрған, қарт әже сол сәтте түтінге тұншығып жатқан. Көршілерінің айтуынша, қарт ана бір күн бұрын қолын сындырып, аяғын қатты жарақаттап алған. Сондықтан полиция қызметкерлері қозғала алмаған қарт әйелді көтеріп алып шығуға шешім қабылдады.
«Егер жігіттер болмаса, мен сол жерде түтінге тұншығып қалар едім. Олар жүгіріп кіріп, мені көтеріп, алып шықты. Дәрігерлер сол сәтте келіп үлгерді. Учаскелік полиция қызметкерлерін мені құтқарып қалғандары үшін, осындай игі әрекеттері үшін тиісті ынталандыруды талап етемін», – деді Бибіш Тынышбайқызы.
Нәтижесінде өрт сөндірушілер мен полиция сақшыларының бірлескен жұмысының арқасында жеті адам құтқарылды. Құтқарылғандардың арасында үш бала бар.
Посмотреть эту публикацию в Instagram
