Күн тәртібіндегі мәселе бойынша Орталық сайлау комиссия мүшесі Сәбила Мұстафина баяндама жасады.
Құзыретті мемлекеттік органдардан келген мәліметтерге сай Нұрлан Әуесбаевқа қатысты ҚР президентін кезектен тыс сайлауда кандидат ретінде тіркелуге кедергілер жоқ екені анықталды.
Ішкі істер министрлігі мәліметінше, ол тумысынан Қазақстан Республикасының азаматы, елімізде соңғы 65 жыл бойы тұрады.
Оның жоғары білімі бар, сондай-ақ мемлекеттік қызметтегі жұмыс тәжірибесі 10 жыл 8 айды құрап отыр.
Осы орайда Орталық сайлау комиссиясы сайлауда үміткер ретінде ұсынылған Нұрлан Әуесбаевтың талаптарға сәйкес келетінін бекітті.
