«Талғар тұрғыны Шәрбану Төлендиеваның айтқаны шындыққа сай келмейді. 2 қазан күні дәрігерлер акушерлік алгоритм бойынша әйелді босандырды. Тиісті медициналық көмек көрсетілді. Науқастың денсаулығына зиян келтіретін факторлар анықталған жоқ», — делінген баспасөз қызметінің хабарламасында.
Басқарманың берген ресми ақпарына сүйенсек, нәрестенің жағдайы жақсы. Ана мен бала үйіне шығарылды. Ал жалған ақпарат таратқан тілшілер мен жала жапқан ананың ісі сотта қаралады.
Айта кетейік, Шәрбану Төлендиева толғағы қысқан сәтте дәрігерлер босану бөлмесіне әкеліп тастап кеткенін, акушер көмегінсіз босанғанын айтып, телеарна тілшілерінің біріне шағымданған еді.
