Жарыс жеңімпаздарының спорт шебері атағын алуға мүмкіндіктері бар, сондай-ақ оларға халықаралық додаларға жолдама беріледі.
«Аталған сайыстың нәтижесінде Азия чемпионатына баратын Қазақстан ұлттық құрамасы іріктеледі. Қапшағай су қоймасы жанындағы жарыста 150-ге жуық адам өз өнерлерін көрсетіп жатыр», — дейді бас төреші Владимир Забаев.
Веломарафонға қатысушылар ұзындығы 3 шақырымнан асатын түрлі қашықтықтарды еңсеруі керек. Кей қашықтықтарда жылдамдықты арттыруға болады, бірақ жолдың кей бөлігінде, әсіресе ауа райы бұзылғанда велосипедпен жүріп өту қиын.
Чемпионат жеке және топтық кезеңдерден тұрады. Олар: кросс-кантри олимпик, кросс-кантри шорт-трек, белгілі уақытқа шамаланған кросс-кантри, бір пункттен екінші пунктке жету кросс-кантриі. Бағы мен бабы қатар шапқан спортшылардың есімі ертең белгілі болады.
