«Олар шамамен бір апта ішінде бірнеше қылмыс жасаған және «Думан» шағын ауданында жүрген. Аймақтардың бірінде қаскөйлер бейнекамералардың объективіне түсіп қалған. Жедел-іздестіру іс-шаралары барысында күдіктілер ұсталды. Олар шойынның бір бөлігін Бесағаш елді мекеніндегі металл қабылдау пунктіне әрбірін 5000 теңгеден тапсырып үлгерді», — дейді Медеу аудандық ПБ-на қарасты полиция бөлімінің бастығы Еділхан Байғараев.
Бірнеше кәріз қақпақтары айғақты зат ретінде тәркіленіп, қылмыстық іс материалдарына тіркелді. Күдіктілер ұрлаған заттарының бәрін сатып үлгермеген. Оларды әрекеттері ҚР ҚК-нің 188-бабы 3-бөлігінің 2-тармағы бойынша тергеледі.
Қазіргі уақытта күдіктілер уақытша ұстау изоляторына қамалды. Тергеушілер олардың қалада бұрын жасалған осындай қылмыстарға қатысы бар-жоғын тексеріп жатыр.
