Облыстық ТЖД баспасөз қызметінің мәліметінше, жыл басынан бері Алматы және Жетісу облыстарының су айдындарында 14 адам суға батып кеткен, олардың үшеуі бала.
Мәселен, адамдардың суға кетуіне байланысты соңғы дерек демалыс күні Қапшағай су қоймасында болды. Сынап бағанасы 40 градусқа дейін жеткен аптап ыстықта аяқ астынан толқын көтеріліп, тілсіз жау шомылуға арналмаған жерде суға түсіп жүрген 4 адамның өмірін жалмап кетті.
«Демалушыларға арнайы жасақталған орындарда ғана суға түсу керектігін ескертеміз. Жүзе алмайтын адамдар белден аспайтын, таяз жерде шомылуы тиіс. Балаларды қараусыз қалдырмаңыздар. Ішімдік ішуге, толқын көтеріліп, дауылды ескерту жарияланған кезде суға түсуге болмайды», – дейді облыстық ТЖД бастығының орынбасары Игорь Жуков.
Айта кетейік, өңірде шомылуға рұқсат етілген 257 орын бар. Олардың 7-і Қонаев қаласында орналасқан жағажай және 140 жеке демалыс аймағы. Олар құтқару мұнараларымен, демалушылардың қауіпсіздігін қамтамасыз ету үшін қажетті құралдармен жабдықталған
