Ішкі істер министрлігі мен Ұлттық ұланның ақпараттық насихат тобының «Қазақстан Республикасына қызмет етемін!» атты республикалық туры концертпен жалғасты.
Арнайы дайындалған концерттік бағдарламада әскери әндер шырқалды. Концертті қала тұрғындары, ардагерлер, студенттер және полиция қызметкерлері, әскери қызметшілер тамашалады. Кеште сондай-ақ халық әндері, заманауи және эстрадалық әндер де шырқалып, түрлі халықтың билері қойылды.
Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары, полковник Қайрат Үмбетов Ішкі істер министрінің атынан Алматы облысының әкімі Марат Сұлтанғазиев пен қала әкіміне алғыс хаттар табыстап, оларды «Құқық тәртібі әскерлеріне 30 жыл» мерейтойлық төсбелгілерімен марапаттады.
