Астанада өткен ойын 2:1 есебімен аяқталды. Кездесуде қазақстандықтар Михаил Габышевтің супер голымен есеп ашты.
Екінші голды 79-минутта Абат Айымбетовтің пасынан кейін Бахтияр Зайнутдинов соқты. Қарсыластар бұл жағдайды офсайд деп есептеп, қателік жіберді.
Қарымта голды бірінші таймның соңында Павел Савицкий соқты.
Матчта жеті сары қағаз көрсетілді: Зайнутдиновтен басқа Аслан Дарабаев пен Елхан Астановқа ескерту берілді. Асхат Тағыберген екі сары қағаз алып алаңнан қуылды.
Осылайша, Қазақстан бірінші рет Беларусь құрамасын ұтып, В дивизионына жолдама алды.
Қыркүйектің 22-нен 23-іне қараған түні басталатын топтың тағы бір ойынында Словакия өз алаңында Әзірбайжанды қабылдайды.
Айта кетейік, 25 қыркүйекте Қазақстан Әзірбайжанмен Бакуде ойнайды, ал Магомед Адиевтің шәкірттерінде дивизионда көтерілудің бірнеше жолы бар.
