Алматы облысы Төтенше жағдайлар департаментінің мәліметінше, ағымдағы жылдың 24 маусымында жедел-құтқару жасағына хабарлама түсті. Онда Ақши ауылындағы көлдің жағасынан 1 км қашықтықта аударылған қайық демалушылардың көзіне түскен.
Тұрғыны резеңке қайықпен балық аулап жүріп, қатты желдің салдарынан жағадан ұзап, қайығы аударылған. Балықшы сол маңайдан табылған. Видео
«Ер адам аман-есен жағаға шығарылды. Оған медициналық көмек қажет емес. Құтқарылған адамға судағы қауіпсіздік ережелері жайлы түсіндірме жұмыстар жүргізілді», — деп хабарлады Алматы облысы Төтенше жағдайлар департаментінің баспасөз қызметі.
