«Бүгінгі таңда «Қонаев су арнасы» жалпы сомасы 169 млн 436 мың теңгеге бекітілген 2021-2025 жылдарға арналған жаңа бес жылдық инвестициялық бағдарлама бойынша жұмыс істейді», — деді Асан Дарбаев өз сөзінде.
Оның айтуынша, 2022-2025 жылдарға арналған инвестициялық салымдар мынадай іс-шараларды орындауды көздейді:
- 2022 жылы — техника, жабдықтар сатып алу жоспарланған;
- 2023 жылы — техника, жабдықтар сатып алу (газель, автоцистерна, электродты кассеталар);
- 2024 жылы — жабдықтарды сатып алу (трансформаторлар, электрондық кассеталар, ысырмалар);
- 2025 жылы — техниканы, жабдықты сатып алу (манипулятор, электродты кассеталар).
«2021-2022 жылдары инвестиция 32,7 млн. теңге сомасына игерілді. Инвестициялық бағдарлама трансформаторды, қысымды кәріз учаскесін ауыстыру жөніндегі іс-шараларды, сондай-ақ желілердің табиғи тозуын және авариялық жағдайлар санын азайтуға мүмкіндік беретін негізгі құралдарды сатып алуды қамтиды», — деді «Қонаев су арнасы» МКК-ның директоры Мәди Темиралиев.
Сондай-ақ Мәди Темиралиев 2022 жылы сүзгі станциясы мен кәріздік сорғы станцияларында жөндеу жұмыстарының орындалуы және 2021 жылы орындалған жұмыстар туралы айтып берді.
