Оның ішінде, «AirAstana», «Самрұқ Энерго», «QazaqGaz», ҚТЖ сынды компаниялар бар. «ҚазМұнайГаздың» IPO-сы биылға жоспарланған.
«Самұрық-Қазына» қорының мақсаты – IPO-ға қатысуды барлық қазақстандықтар үшін қолжетімді ету. Осы үшін қор жекешелендіру барысы туралы барлық ақпаратты қамтитын ipo.sk.kz сайтын іске қосуда. Сонымен қатар 17 қыркүйектен бастап Қазақстанның 60-тан астам қаласында азаматтармен ақпараттық-түсіндіру кездесулері өтеді. Оларға «Самұрық-Қазына», «ҚазМұнайГаз», «Қазпочта», AIX және KASE биржаларының, брокерлік және дилерлік ұйымдардың сарапшылары қатысады», — деп хабарлады қордың баспасөз қызметі.
Соңғы жылдары «Самұрық-Қазына» қорының бірнеше компаниясының үлестері саудаға шығарылды. Бұл IPO-лардың табысы болғаны төленген дивидендтер көлемімен және нарықтық капиталдандырудың ұлғаюымен расталады: «ҚазТрансОйл» акцияларының бағасы 121%-ға, «KEGOC» – 281%-ға, «ҚазАтомӨнеркәсіп» – 383%-ға өсті.
