WBA Super, IBF және IBO нұсқалары бойынша орта салмақтағы әлем чемпионы Геннадий Головкин өз командасымен бірге Лас-Вегас қаласына келді, деп хабарлайды Alataunews.kz.
«Вегастамыз. Жекпе-жек аптасына дайынбыз», – деп жазды Головкин Facebook-тегі жеке парақшасында.
Еске салсақ, 17 қыркүйек күні Лас-Вегаста Головкин Сауль «Канело» Альвареспен үшінші жекпе-жегін өткізеді.
Қазақстан уақыты бойынша кездесу 18 қыркүйек күні таңғы сағат 05:00-де басталады. Басты шешуші айқас шамамен сағат 8:00-де болады. Тікелей трансляцияны «Qazsport» телеарнасы жүргізеді.
