Белгісіз көлік жүргізуші 46 жастағы ер адамды қағып кеткен. Алған жарақатынан ер адам оқиға орнында қаза тапты.
Аудандық криминалдық полиция басқармасының жедел уәкілдері облыстық іздестіру басқармасының қызметкерлерімен бірлесе отырып, екі күннің ішінде жол-көлік оқиғасы орнынан бой тасалап кеткен жүргізушінің кім екенін анықтады.
«Оқиға орнынан сот-медициналық сарапшылар сұр түсті «Volkswagen Golf» көлігінің бөлшектерін, сонымен қатар көлік сынықтарын тауып, сол арқылы күдіктіні анықтаған. Аталған көлік көршілес Шеңгелді ауылынан табылды. Шетелдік көліктің 34 жастағы иесі жаяу жүргіншінің өліміне өзінің қатысы бар екенін жасырмады. Қазір ұсталған ер адам уақытша ұстау изоляторына қамалды», – деді Жетісу облысының патрульдік полиция батальонының командирі Қайырбек Қанатбеков.
