Өңірлік төтенше жағдайлар департаменті берген мәліметке сүйенсек, ондағы елді мекендерге еш қауіп төніп тұрған жоқ.
«Өртті өшіруге 3 тікұшақ, 34 техника және 279 адам жұмылдырылған. Тілсіз жау таулы өлкеде тұтанғандықтан оны сөндіру біршама қиындық туғызып отыр. Тікұшақпен әуеден 18 рет су шашылды. Елдімекендерге еш қауіп жоқ», – делінген хабарламада.
Сондай-ақ Алтай ауданындағы өртті сөндіру жұмыстары да әлі жалғасып жатыр. Ауданға 2 тікұшақ жөнелтілді. Ондағы өрт ошағына осы уақытқа дейін 140 тонна су шашылған.
