Алматы облысы бойынша қылмыстық-атқару жүйесі департаментіне қарасты №57 мекеменің қызметкерлері қаңтар айында болған жаппай тәртіпсіздік барысында ұрланған қару-жарақ пен оқ-дәрілерді тапты.
«Іздестіру кезінде Ескелді ауданы Жастар ауылындағы аялдама жанындағы тас астынан тығулы оқ-дәрісіз сауытымен бірге Макаров тапаншасы табылды», — делінген хабарламада.
Аталған дерек сотқа дейінгі тергеудің бірыңғай тізілімінде тіркеліп, «қаруды заңсыз сақтау» (ҚР ҚК 287-бабының 3-бөлігі) бойынша қылмыстық іс қозғалды.
