«Бүлінген бизнес нысандарының саны – 18, оның ішінде Әулиекөл ауданында — 17, Қарасу ауданында – 1. Сондай-ақ, ауыл шаруашылығы жабдықтарынан 1 комбайн, 1 трактор жанып кеткен. 12 кәсіпкердің айтуынша, олардың мүліктік залалының сомасы 200 млн-нан асады, тағы 6 нысанның залал сомасы анықталып жатыр», — деп хабарлады Қостанай облысының кәсіпкерлер палатасында өткен брифингте ӨКП директоры Данияр Күзенбаев.
Дәмхана, ТҚКС, сауда және ауылшаруашылық тауар өндірушілері сияқты шағын бизнес өкілдері зардап шеккен.
«Біз қаржы мекемелерінің басшыларымен қарыздарды есептен шығару мәселесі бойынша жұмыс жүргізіп жатырмыз. Банктер қаржы мекемелерінің атына жазылған тиісті хаттарды қарап бастады. Мүлігіне залал келген бизнес субъектілері анықталды, кері байланыс орнатылды, мүлікті тексеру акті әзірленді, нысандарды фото және видеоға түсіріп жатыр. Өрттен зардап шеккендердің толық тізімін, соның ішінде залал сомасы мен несиелік берешекті анықтау үшін кәсіпкерлік субъектілеріне қоңырау шалу жалғасып жатыр», — деді Данияр Күзенбаев.
Қазақстандық кәсіпкерлер өрттен зардап шеккен тұрғындар үшін шамамен 200 млн теңге (Kostanay Music Fest — 50 млн теңге және «Агромашхолдинг КЗ» ЖШС Allur зауытымен бірлесіп — 100 млн теңге), сондай-ақ 56 млн теңгеге гуманитарлық көмек жинады.
