Ақпаратты желі қолданушысы Ерқанат Тұрсынжанұлы өз Facebook парақшасында жариялады.
«Алматы облысы, Райымбек ауданы, Сарыжаз ауылындағы орта мектепке, осы мектептің түлегі, мемлекет және қоғам қайраткері Алтынбек Сәрсенбайұлының есімі берілді. Құтты болсын!», – делінген жазбада.
Алтынбек Сәрсенбайұлы – Қазақстанның көрнекті саясат және мемлекет қайраткері.
Ол Қазақстанның Ресей Федерациясындағы Төтенше және Өкілетті Елшісі (2002-2003), Ақпарат және қоғамдық келісім министрі (2004) қызметін атқарған. Сонымен қатар «Ақ жол» саяси партиясының негізін қалаушылардың бірі.
Айта кетейік, бұған дейін Алматы мен Елорда көшелерінің біріне белгілі мемлекет және қоғам қайраткері Алтынбек Сәрсенбайұлының аты берілуі мүмкін екенін хабарлаған едік.
