«Негізгі қазандық жабдықтары, жылу желілері мен газ беру торабына жөндеу жұмыстарын жүргізу қажет. Бұл жұмыстар 2022-2023 жылдардағы жылу беру маусымына дайындық аясында жүргізіледі. Сондықтан Қонаев қаласына ыстық су беру тоқтатылады. Қайтадан берілетін күнін нақты айта алмаймыз. Егер кестеге сай жөндеу жұмыстарын жүргізсек, жылыту маусымы басталғанға дейін де ыстық су беруді қалпына келтіреміз. Шамамен, қазан айында ыстық су қосылады», — деді «Қонаев қаласының жылу желілері» ШЖҚ МКК директоры Сейдахмет Даданбеков.
Кәсіпорын әкімшілігі қала тұрғындарынан осы бастан автономды ыстық су көздеріне көшуге дайындықты бастауды сұрайды. Анықтама телефоны: 8-72772-2-65-15.
Ал Қазгидрометтің мәліметі бойынша, қыркүйек айының соңына қарай Алматы облысында күн күркіреп, бұршақ жауып, екпіні 15-28 м/с дейін қатты жел соғады.
Жалпы, Қазақстанның оңтүстік өңірлерінде температура айдың екінші жартысында түнде +15+23°С-тан +3+10°с-қа дейін түсіп, ауа райы құбылмалы болады деген болжам бар.
