«Біз бұл мүмкіндікті толық пайдаланып, әлемдік маңызы бар көлік-тасымал торабына айналуымыз керек. Еліміз осы салада ірі жобаларды жүзеге асыра бастады. Атап айтқанда, Ақтауда контейнер хабы құрылып жатыр. Транскаспий дәлізі дамып келеді», – деді Мемлекет басшысы.
Президент бұл жұмыстарға әлемдегі үздік логистика компаниялары тартылатынын атап өтті.
Сонымен қатар «Қазақстан Темір Жолы» компаниясы толыққанды транзиттік-логистикалық корпорация болып қайта құрылатынын жеткізді.
