Ерлі-зайыптылар ұрлық кезінде 2 айлық баламен жүргені анықталды. Күйеуі балалар арбасымен жақын маңда серуендеп, басқалардың назарын аударып жүргенде, әйелі жасөспірімдер футбол ойнап жүрген алаңда ұрлық жасаған.
«Кешкі уақытта Айманов көшесіндегі үйдің ауласында күдікті әйел 10 жасар баланың телефонын ұрлап кеткен. Бала ұялы телефонды заттарының үстіне қойып, футбол ойнауға кеткен», — дейді Нұр-Сұлтан қаласы ПД баспасөз қызметі.
Осыған ұқсас тәсілмен күдікті кәмелетке толмағандардан үш ұялы телефонын қолды еткен. Ұрланған гаджеттерді әйел сатқан.
Ұсталған азаматша кінәсін мойындады. Бұл факті бойынша сотқа дейінгі тергеу амалдары жүргізіліп жатыр, оның осыған ұқсас бұрын жасалған қылмыстарға қатысы анықталып жатыр.
