Алматы дәріханаларында есірткі препараттарын еркін сату жағдайлары туралы полицейлерге қала тұрғындары хабарлаған.
Нәтижесінде Әуезов ауданында тропикамидті рецептсіз сатқаны үшін 48 жастағы фармацевт ұсталды. Жетісу ауданының Айнабұлақ шағын ауданында Samnol препаратының үш қаптамасын еркін сатқаны үшін дәріхананың 43 жастағы қызметкерінің де қолына кісен салынды.
«Дәрі-дәрмектерді рецептісіз жіберу фактісі ҚР ӘҚБтК 426-бабына сәйкес тіркелді», — деп хабарлады полиция департаменті.
Құрамында есірткісі бар дәрілерді сатушылар да, сатып алушылар да жауапқа тартылды.
