Шектеу тасжолдың 25-шақырымында көлік айрығының монолитті аралық құрылысын орнату жұмыстарына байланысты енгізіліп отыр. Ол құрылыс жұмыстары толық аяқталғанға дейін, яғни жыл соңына дейін қолданылады.
Уақытша шектеу биіктігі 4,5 метрден, ал ені 8 метрден асатын көлік құралдарына қатысты.
Ал жеңіл және жолаушылар көлігі бұрынғы режимде қозғала береді. Сондай-ақ белгіленген габариттік өлшемдерден аспайтын жүк көліктеріне де шектеу қойылмайды.
Ірі габаритті және ауыр жүк көліктерінің жүргізушілеріне сапар бағытын алдын ала жоспарлап, балама жолдарды пайдалану ұсынылады.
Жолдағы уақытша шектеу құрылыс жұмыстары толық аяқталғаннан кейін алынады.
