«Бүгінгі таңда азаматтардың ерік білдіруіне күмән келтіруге негіз болатын расталған деректер жоқ. «Байтақ» партиясы Қазақстан халқының таңдауына құрметпен қарайды және сайлаудың заңда белгіленген тәртіппен анықталған ресми қорытындыларына сүйенетін болады», – деді Азаматхан Әміртаев.
Сонымен қатар партия төрағасы сайлау учаскелеріне келіп, дауыс берген қазақстандықтарға алғыс айтты.
Оның сөзінше, азаматтардың сайлауға қатысып, өз таңдауын жасауы – елдегі саяси үдерістерге белсенді араласудың бір көрінісі.
«Байтақ» партиясы халықтың таңдауына құрметпен қарайтынын және алдағы жұмысында сайлаудың ресми қорытындысын басшылыққа алатынын мәлімдеді.
