Қарасай ауданының әкімі Жасұлан Естеновтің мәліметінше, тұрғындарды баспанамен қамтамасыз ету – ауданның әлеуметтік саясатындағы маңызды бағыттардың бірі.
Жыл басынан бері тұрғын үй кезегінде тұрған 203 отбасы жаңа пәтерлердің кілтін алып, баспаналы болған.
«Бүгін Қарасай ауданында әлеуметтік жағынан осал санаттағы азаматтарға жаңа пәтерлердің кілттері табысталып, тағы 20 отбасы қоныс тойын атап өтуде. Баспана мәселесін шешу – аудан әкімдігінің әлеуметтік саясатындағы маңызды бағыттардың бірі», – деді аудан әкімі.
Тұрғындарды баспанамен қамту жұмыстары жыл соңына дейін жалғасады. Жоспарға сәйкес, 2026 жылдың соңына дейін тағы 66 отбасын тұрғын үймен қамтамасыз ету көзделіп отыр.
Осылайша, Қарасай ауданында жыл басынан бері баспаналы болған отбасылар саны 200-ден асты.
