Синоптиктердің мәліметінше, 2026 жылғы 3 тамызда сағат 12:00 мен 20:00 аралығында Алматы облысының солтүстік және орталық бөлігінде ауа температурасы 40–42 градусқа дейін көтеріледі.
Қонаев қаласында да күндіз ауа температурасы 40–42°С-қа дейін жетеді.
Осыған байланысты мамандар тұрғындарды күннің ең ыстық уақытында ұзақ уақыт сыртта жүрмеуге, мүмкіндігінше көлеңкеде болуға және жеткілікті мөлшерде су ішуге шақырады.
Сонымен қатар Төтенше жағдайлар қызметі өрт қауіпсіздігі талаптарын қатаң сақтауды ескертеді. Құрғақ шөпті өртемеу, ашық от жақпау және табиғат аясында отты қараусыз қалдырмау маңызды. Аптап ыстық кезінде мұндай әрекеттер дала және орман өрттерінің шығу қаупін едәуір арттырады.
