«Қазгидромет» РМК таратқан 28–30 шілдеге арналған болжамға сәйкес, атмосфералық фронттардың әсерінен республиканың көптеген аймағында найзағай, өткінші жаңбыр, екпінді жел және бұршақ күтіледі. Ал Шығыс Қазақстан облысында нөсер жаңбыр жаууы мүмкін.
Синоптиктердің мәліметінше, тек еліміздің оңтүстік өңірлерінде Иран аумағынан келетін құрғақ ауа массаларының ықпалымен жауын-шашынсыз ауа райы сақталады.
Сонымен қатар алдағы күндері елдің басым бөлігінде ауа температурасы біртіндеп жоғарылайды. Бұл үрдіс батыс өңірлерді қоспағанда, Қазақстанның барлық аумағын қамтиды.
Болжам бойынша, күндіз:
- солтүстік өңірлерде ауа температурасы +30…+38°C;
- оңтүстік өңірлерде +33…+44°C аралығында болады.
