Өңірде Конституция күніне орай өтетін іс-шаралар 100-ден асады, деп хабарлайды Alataunews.kz.
Оның ішінде: көшелер мен алаңдарды тақырыптық безендіру, конференциялар, семинарлар, акциялар, жиналыстар, кездесулер, мәдени-көпшілік шаралар, сондай-ақ әлеуметтік маңызы бар нысандардың ашылуы, спорттық жарыстар және т.б. бар.
«Мереке қарсаңында заңгерлердің, құқықтанушылардың, саясаттанушылардың, үкіметтік емес ұйымдар мен сарапшылар қоғамдастық өкілдерінің қатысыуымен «Жаңа Конституция – Жаңа Қазақстанға бастайтын жол» атты конференция өткізу жоспарланып жатыр», – деді Болат Керімбек.
26 тамыз күні Семей полигонының жабылуы күніне орай қала орталығында салтанатты шара өтеді. Мәңгі алауға гүл шоқтары қойылады.
Облыстық дене шынықтыру және спорт басқармасының ұйымдастыруымен 30 тамызда Талдықорған қаласының ипподромында ұлттық ойындардан жарыс ұйымдастырылады:
- «Аламан бәйге» 41 шақырым қашықтықта (1-орынға жеңіл авто көлік);
- «Қазақша күрес» (1-орын – 2 млн. теңге, 2-орын – 1 млн. теңге, 3-орын – 500 мың теңге)
Сондай-ақ хоккейден Қазақстан Республикасының чемпионаты өткізіледі.
