«2022 ж. наурыз айынан бастап жасөспірімдер арасында құқықтық тәрбиені күшейту мақсатында құқық қорғау органдарынан зейнетке шыққандар үшін мектептерде жаңа штат ашылды. Олар қазіргі таңда аралас тілде оқытатын 43 мектепте «Құқықтық тәрбие менеджері» болып жұмыс жасайды. Бұл штат үшін облыстық бюджеттен 43 млн. тг қаржы бөлінді», – дейді С. Беспаева.
С. Дауыспекқызы бұған қоса, келеңсіздіктерді болдырмау бағытында облыс әкімі жанынан бала құқығын қорғау жөніндегі уәкіл жұмыс жасайтынын айтты.
Мектеп қабырғасында білім алатындардың суицидке бару дерегі жайлы да сөз етілді.
«2022 жылдың 6 айында кәмелетке толмаған 7 бала өз-өзіне қол жұмсаса, 11 суицидке ұмтылу фактілері тіркелді. Ал 2021 жылдың 6 айында 6 бала суицидтен қаза тапты және 6 бала өз-өзіне қол жұмсамақ болды», – деп атап өтті басқарма басшысы.
Басқарма суицид деректерін зерделеу нәтижесінде мектеп пен отбасының арасындағы байланыстың жеткіліксіз болғандығын анықтаған.
С. Беспаева қолға алынған шаралардың жақсы нәтиже беретініне сенімін білдірді.
