Бүгін Алматы облысының орталығында ҚР Оқу-ағарту министрінің қатысуымен Тамыз кеңесі өтіп жатыр. Жиында түрлі мәселелер көтеріліп, оның шешу жолдары сөз етілді.
«Жүйелі жұмыстардың нәтижесінде ұстаздар түрлі байқауларда топ жарып жатыр. Мәселен, «Samruk-Kazyna Trust» ұсынған «Қазақстан мұғалімі» жобасының 30 шағын грант конкурсында 7 педагог 1 млн. теңге құрайтын грант ұтып алды», – деді Салтанат Беспаев.
Бұдан бөлек, Қарғалы ауылындағы Ә. Бейсеуов атындағы орта мектеп мұғалімі Бақытәлі Дәулешяр «Тәуелсіздік ұрпақтары» республикалық байқауында 3 млн. теңге көлеміндегі грант иегері атанған.
Облыстағы бас педагог алдағы уақытта мұғалімдердің құзыреттілігін жетілдіріп, табысқа жетелейтін инновациялық жобалардың ауқымы кеңейе түсетінін айтты.
