«ҚазАвтоЖол» ұлттық компаниясының мәліметінше, қазіргі уақытта KZ05-07 «Кеген – Нарынқол» автомобиль жолының 0-74 шақырым аралығында орташа жөндеу жұмыстары жүргізіліп жатыр.
Осыған байланысты 2026 жылғы 10 маусым мен 10 шілде аралығында «Қайнар – Текес» учаскесінің 57-74 шақырым аралығында көлік қозғалысы уақытша шектеледі.
Компания өкілдерінің айтуынша, жөндеу жұмыстары кезеңінде көлік қозғалысы арнайы ұйымдастырылған айналма жол арқылы жүзеге асырылады.
«Жол қозғалысына қатысушыларды ақпараттандыру мақсатында учаскеде тиісті уақытша жол белгілері орнатылады», – делінген хабарламада.
«ҚазАвтоЖол» жүргізушілерден сапар бағытын алдын ала жоспарлауды, жол белгілерінің талаптарын сақтауды және уақытша енгізілген шектеулерге түсіністікпен қарауды сұрады.
