ТЖД мәліметінше, мамандар тұрғындарға қажетті ақпарат беріп, туындаған сұрақтарға жауап беруге дайын.
Алматы облысы бойынша жедел желі нөмірі:
8 (72772) 2-60-97
Төтенше жағдайлар министрлігі жедел әрекет ету қызметтері жергілікті атқарушы органдарды, полицияны және өзге де бейінді құрылымдарды хабардар еткенін мәлімдеді.
Қазіргі уақытта облыстағы тіршілікті қамтамасыз ету нысандары штаттық режимде жұмыс істеп жатыр.
Сондай-ақ ТЖМ-нің «Қазселденқорғау» мемлекеттік мекемесінің мамандары гидротехникалық құрылыстарға тексеру жүргізген.
«Гидробекеттердің бақылаушылары гидротехникалық құрылыстарды тексерді. Деформациялар мен жарықтар анықталған жоқ, жағдай тұрақты», – делінген хабарламада.
Ведомствоның мәліметінше, қазіргі уақытта зардап шеккендер мен қираулар туралы ақпарат тіркелмеген.
Құзырлы органдар тұрғындарды сабыр сақтауға, дүрбелеңге берілмеуге және тек ресми ақпарат көздеріне сенуге шақырды.
