«Ақылы аңшылық мәселесі келесі жылдың еншісіне қалуы мүмкін. Негізінде, ақбөкеннің Қызыл кітапқа енбейтін жануар екені бұған дейін айтылды. Елімізде 2023 жылдың 1 қаңтарына дейін аң аулауға тыйым салынған. Жақын арада, шамамен қазан айының соңына дейін нақты шешімге келеміз», — деп атап өтті Серікқали Брекешев.
Министрдің айтуынша, киік санын реттеуге қатысты нақты шешім әлі қабылданған жоқ.
Сондай-ақ қасқырлардың санын көбейту ұсыныстары келіп түскен, министр мұның да киіктер санын бір мезетте реттей қоймайтынын айтты.
«Қазір Ауыл шаруашылығы министрлігімен, Қазақстанның агросақтандыру қауымдастығымен бірлесіп, киік таптауынан ауыл шаруашылығына келтірілген залалды бағалау әдістемесін әзірлеп жатырмыз», — деді Серікқали Брекешев.
Серікқали Брекешев күзде зерттеуге 500 бас киік алынатынын айтты.
