Атыраулық басылымдардың мәліметінше, басты күдікті Сұлтан Сәрсемәлиев сот залына кісенделіп жеткізілген. Істі аса ауыр қылмыстарды қарайтын судья Зарема Хамидуллина қарап жатыр. Бұған дейін ол былтыр қоғамда резонанс тудырған Яна Легкодимованың өліміне қатысты істі жүргізген.
Тергеу нұсқасына сәйкес, Сұлтан Сәрсемәлиев өзінің туған қайын атасы мен қайын енесін, сондай-ақ екі балдызын өлтірді деген күдікке ілінген. Мемлекеттік айыптаушы Мирас Бауыржанов сот барысында тергеу қорытындысы мен айыптау актісін оқып берді.
Прокурордың мәліметінше, күдікті ең алдымен балдызы Наурыз Мұқанғалиевті өлтіріп, мәйітін үй ауласына көміп тастаған. Тергеу дерегіне сүйенсек, қылмысқа олардың арасындағы жанжал себеп болған.
Әзірге істің басты сот талқылауы нақты қай күні өтетіні хабарланған жоқ.
