Еске алу рәсімі Жеңіс саябағындағы мемориал маңында өтті. Қатысушылар белгітасқа гүл шоқтарын қойып, апат құрбандарының рухына тағзым етті. Жиналғандар Чернобыль зардабын жоюға қатысқан азаматтардың ерлігі мен жанқиярлығын құрметпен еске алды.
Салтанатты жиын кейін AMANAT партиясы алаңында жалғасты. Іс-шара барысында Чернобыль апатының ардагерлері мен олардың отбасы мүшелеріне Алматы облысы әкімінің, облыстық мәслихат төрағасының, партияның облыстық филиалының және Қонаев қаласы әкімінің Алғыс хаттары табысталды.
Ұйымдастырушылардың айтуынша, бұл шара – техногендік апат салдарын жоюға атсалысқан азаматтардың ерлігін ұлықтауға бағытталған.
Айта кетейік, Чернобыль апаты адамзат тарихындағы ең ірі техногендік апаттардың бірі саналады. Оның салдарын жоюға қатысқан мыңдаған азаматтың ерлігі халық жадында мәңгі сақталады.
