Синоптиктердің болжауынша, 23-24 сәуір аралығында өңірде жауын-шашын күтіледі, кей жерлерде нөсер жаңбыр жаууы ықтимал. Мамандардың мәліметінше, жауын-шашын 23 сәуір күні түстен кейін басталып, кешке қарай күшейеді.
Күндіз ауа температурасы +19…+22 градусқа дейін жетсе, түнде +14…+16 градус жылы болады.
24 сәуірде де жауын-шашын жалғасады. Бұл күні күндіз +22…+24 градус, түнде +16…+18 градус болады деп болжанған.
Синоптиктердің айтуынша, өңірге тұрақты жылы ауа райы келесі аптада оралады. Алайда сәуірдің соңы мен мамырдың басында ауа райы тұрақсыз болып, жиі жаңбыр жауып, екпінді жел соғуы мүмкін.
Сонымен қатар мамыр айында найзағай күтіледі. Таулы аумақтарда түнгі уақытта тұман түсіп, үсік жүруі ықтимал.
Мамандар тұрғындарға ауа райы болжамын бақылап, қауіпсіздік шараларын сақтауға кеңес береді.
