Ведомство мәліметінше, оқиға 5 сәуірге қараған түні Қарғалы ауылындағы Бейсеуов көшесінде орналасқан бес қабатты тұрғын үйлердің бірінде болған. Өрт үшінші қабаттағы пәтерлердің бірінде тұтанып, кереует пен үй ішіндегі заттар жанған.
Оқиға орнына жедел жеткен құтқарушылар бірден тұрғындарды эвакуациялауға кіріскен. Нәтижесінде сегіз адам баспалдақ арқылы қауіпсіз жерге шығарылды. Ал 25 тұрғын, оның ішінде алты бала, құтқарушылар келгенге дейін өз бетінше сыртқа шығып үлгерген.
«Төтенше жағдайлар министрлігінің жедел әрекетінің арқасында өрт қысқа мерзім ішінде толық ауыздықталды. Зардап шеккендер туралы ақпарат жоқ», – делінген ведомство хабарламасында.
Қазіргі уақытта өрттің шығу себептері анықталып жатыр.
