«Бүгінгі таңда барлық жұмыстардың 90%-ға жуығы орындалды. Келісімшарт бойынша бұл жоба 1 қарашада аяқталуы тиіс. Бірақ біз жұмысты күшейттік. Бас мердігер қазір қыркүйекте негізгі тас жолды аяқтау және көлік қозғалысын ашу үшін барлық қажетті резервтерді қосып жатыр», — деп жазды Facebook парақшасында «ҚазАвтоЖол» ұлттық компаниясының басқарма төрағасы Мейірхат Қасымбаев Facebook парақшасында.
Бұған дейін «ҚазАвтоЖол» ұлттық компаниясының баспасөз қызметі «Алтын орда» базары маңындағы Алматы–Бішкек учаскесінде жолды кеңейту бойынша күрделі жөндеу жұмысы аяқталуға жақын екенін мәлім еткен болатын.
Еске салайық, «Алтын Орда» базарының жанындағы эстакада былтыр желтоқсан айында ашылған еді. Алайда, асығыс жасалған жолдың беткі қабаты қыстың суығында бүлініп кеткен. Сол себепті жолдың жөндеу жұмыстарына әлі күнге нүкте қойылмай келеді.