Биыл 21 және 22 наурыз сенбі мен жексенбі күндеріне сәйкес келеді. Осыған байланысты мерекелік демалыс күндері келесі аптаға ауыстырылады.
Осылайша, бес күндік жұмыс аптасында жұмыс істейтін қазақстандықтар қатарынан бес күн демалады. Демалыс күндері 21, 22, 23, 24 және 25 наурызға (сенбі, жексенбі, дүйсенбі, сейсенбі, сәрсенбі) сәйкес келеді.
Ал алты күндік жұмыс аптасында жұмыс істейтіндер төрт күн қатарынан демалады. Олар үшін демалыс күндері 21, 22, 23 және 24 наурыз (сенбі, жексенбі, дүйсенбі, сейсенбі) күндеріне белгіленген.
Наурыз – тек мереке ғана емес, халықты бірлікке шақыратын, ұлттық дәстүрлер мен мәдениетті дәріптейтін маңызды мейрамдардың бірі. Бұл күндері еліміздің барлық өңірлерінде ұлттық ойындар, концерттер мен түрлі мерекелік іс-шаралар ұйымдастырылады.
