Жыл басынан бері май өндірісі төмендеп, бағасы бірден 15% өсті. Әсіресе, Маңғыстау облысында қатты қымбаттаған.
Биыл қаңтар-мамыр арасында отандық май зауыттары сары майға сұранысты 71% қамтамасыз еткен. Былтыр бұл көрсеткіш 83,6% болған.
Сары майды импорттау да арта түсті. Бір жылда сырттан алып келу үлесі 16,4%-дан 29%-ға дейін артты.
2022 жылғы қаңтар–мамырда экспорт төрт еседей (541,5 тоннаға дейін) қысқарды. Тұздалмаған сары май келісінің бөлшек саудадағы құны, шілдедегі есеп бойынша, 3,3 мың теңгеге жетті.
Жыл басынан бері сары май Маңғыстау облысында айтарлықтай қымбаттады (бірден 29%). Одан кейін Шымкент (26,7%) пен Жамбыл облысы (26,4%) тұр.
Әзірге Нұр-Сұлтан (3%), Алматы (5,6%) және Павлодар облыстарында (7,2%) баға азырақ өскен. Елде жыл басынан бері 13,9 мың тонна сары май өндірілді.
