Құжатта көрсетілгендей, қабылданған шаралар қызылшаның таралуын тоқтату мақсатында енгізіліп отыр. Қаулыда карантиндік талаптар, медициналық мекемелердегі қауіпсіздік шаралары және білім беру ұйымдарына қатысты бірқатар шектеулер қарастырылған.
«Қазақстанда қызылша жағдайларын тіркеу кезінде екпе алмаған балаларды мектепке дейінгі ұйымдарға және мектептерге баруын уақытша шеттету», — деп көрсетілген құжатта.
Мамандардың айтуынша, бұл талап аурудың кең таралуына жол бермеу және балалар арасындағы инфекция қаупін азайту үшін енгізілген. Сонымен қатар, қаулыда екпе алмаған балаларды ауруханаға жатқызу тәртібіне қатысты да қосымша ережелер қарастырылған.
Айта кетейік, жаңа қаулы 19 ақпанда жарияланып, сол күннен бастап күшіне енді. Денсаулық сақтау саласының өкілдері ата-аналарды балалардың вакцинация мәртебесін тексеріп, санитариялық талаптарды сақтауға шақырып отыр.
