Өңірлік құрылыс басқармасының мәліметінше, 2025 жылға жоспарланған 1700 тұрғын үй толық сатып алынып, жоспар 100 пайызға орындалған. 2025 жылдың 10 айында облыстағы құрылыс көлемі 21% өсіп, 948 мың шаршы метр тұрғын үй пайдалануға берілген. Мемлекеттік бағдарлама аясында алынған пәтерлер әлеуметтік осал топтарға және тұрғын үй кезегінде тұрған азаматтарға беріледі.
Сонымен қатар, облыста тұрғын үй құрылысы мен әлеуметтік инфрақұрылымды дамыту бойынша жобалау жұмыстары қарқынды жүргізіліп жатыр. Қонаев қаласының 2023–2027 жылдарға арналған әлеуметтік-экономикалық даму жоспары аясында 187 іс-шараны іске асыру көзделген.
Айта кетейік, кейінгі 30 жылда мемлекет тарапынан ешқандай үй салынбаған шалғай аудандарда, оның ішінде Нарынқол, Қайнар, Кеген, Үлкен Ақсу, Бақанас ауылдарында мемлекеттік бағдарлама аясында жаңа үйлер салынып, сатып алынып жатыр (шалғай аудандарда 350 мың теңге).
Мемлекеттік қызметкерлерді, бюджеттік ұйымдар мен спорт саласы өкілдеріне арналған «Алатау» өңірлік ипотекалық бағдарламасына 3,1 млрд теңге қарастырылып, 120-дан астам азамат баспанамен қамтамасыз етіледі.
