Өңірлік құрылыс басқармасының мәліметінше, 2026 жылы төрт спорт нысанын аяқтауға жергілікті бюджеттен 4,5 млрд теңге бөлінді.
Жобалар аясында Еңбекшіқазақ ауданының Тескенсу ауылында, Жамбыл ауданының Тарғап ауылында, Райымбек ауданының Қайнар ауылында спорт кешендері, сондай-ақ Ұйғыр ауданының Шонжы ауылында дене шынықтыру-сауықтыру орталығы салынып жатыр. Аталған нысандар ауыл тұрғындарына спортпен жүйелі түрде айналысуға мүмкіндік беріп, бұқаралық спортты дамытуға бағытталған.
Сонымен қатар, облыстағы спорт инфрақұрылымын кеңейту мақсатында жалпы саны 13 спорт нысанының құрылысына республикалық бюджеттен қаржы бөлу бойынша Қазақстан Республикасы Туризм және спорт министрлігіне бюджеттік өтінімдер жолданған.
