«Келешек мектептері» ұлттық жобасы аясында өңірде 26 жаңа мектептің құрылысы аяқталып, оның 23-і білім бөлімдерінің теңгеріміне берілді.
Құрылыс басқармасының мәліметінше, мектеп ғимараттарымен қатар сыртқы инженерлік-коммуникациялық желілер толық жүргізілген. Қазіргі уақытта қалған нысандарды қабылдау және құжаттандыру жұмыстары жалғасуда.
Сонымен қатар, облыста білім беру саласындағы 12 нысанға күрделі жөндеу жүргізіліп жатыр. Қазіргі таңда екі мектептің құрылысы толық аяқталып, пайдалануға берілді, ал қалған жобалар 2026 жылға өтпелі.
Өңірде жаңа әлеуметтік инфрақұрылымды дамыту мақсатында 2026 жылы тағы төрт білім беру нысанының құрылысына жергілікті бюджеттен 4,8 млрд теңге бөлінді. Мамандардың айтуынша, бұл жобалар білім беру сапасын арттырып, оқушыларға қолайлы жағдай жасауға бағытталған.
