Синоптиктердің мәліметінше, наурыз айында орташа айлық ауа температурасы Қазақстанның басым бөлігінде нормадан шамамен 1°С-қа жоғары болуы мүмкін. Ал Жетісу облысының негізгі бөлігінде және Алматы облысының оңтүстік-шығыс аймақтарына жақын аумақтарда температура орташа көрсеткішке сай болады деп күтіледі.
Жауын-шашын мөлшеріне келсек, республика бойынша наурыз айында жауын-шашын нормадан көп болуы ықтимал. Бұл Алматы облысының кейбір аудандарында да көктемгі жауынның жиілеуіне әсер етуі мүмкін.
«Қазгидромет» дерегіне сәйкес, ел аумағының басым бөлігінде орташа айлық ауа температурасы 0…-7 °С шамасында болады. Ал оңтүстік өңірлерде, соның ішінде көршілес облыстарда +5…+10 °С-қа дейін жылынуы мүмкін.
Мамандар көктемнің алғашқы айында ауа райы құбылмалы болуы ықтимал екенін айтып, тұрғындарға дауылды ескертулер мен ресми ақпараттарды бақылап отыруды ұсынды.
