Шараны Алматы облысының еңбек мобильділігі орталығы КММ-нің Алатау қаласы бойынша мансап орталығы өткізді.
Жәрмеңкенің негізгі мақсаты – жұмыссыздық деңгейін төмендету, жұмыс іздеп жүрген азаматтар мен жас мамандарды тұрақты еңбекке тарту. Ұйымдастырушылардың мәліметінше, жыл басынан бері мансап орталығы қызметіне 126 адам жүгінген.
Аталған жәрмеңкеге 48 азамат қатысып, оларға 12 жұмыс беруші тарапынан 48 бос жұмыс орны ұсынылды. Қатысушылардың қатарында пробация қызметінің есебінде тұрған 25 азамат пен 10 жас болды.
Шара қорытындысы бойынша 3 адам тұрақты жұмысқа орналастырылды. Сонымен қатар, пробация есебіндегі 8 тұрғын жұмыспен қамтуға жолдама алып, олардың үшеуі тұрақты қызметке қабылданды.
Ұйымдастырушылар мұндай жәрмеңкелер алдағы уақытта да жалғасатынын атап өтті. Мамандардың айтуынша, бұл бастама әлеуметтік тұрақтылықты нығайтып, тұрғындардың әл-ауқатын арттыруға бағытталған маңызды қадам болып саналады.
