Сайтта негізгі заң жобасының толық мәтіні, сарапшылардың пікірлері, өзекті материалдар және коалицияның өңірлердегі жұмысы туралы жаңалықтар жарияланады. Пайдаланушыларға мазмұнды тез түсініп, дауыс беру үдерісіне қатысты практикалық сұрақтарға жауап табуға ыңғайлы болуы үшін ресурс құрылымы жеңіл әрі түсінікті форматта жасалған.
Әзірлеушілер ақпаратты қабылдауды жеңілдетуге ерекше назар аударған. Платформада мүгедектігі бар азаматтарға арналған бейімделген нұсқа, сондай-ақ бет параметрлерін жеке баптау мүмкіндігі қарастырылған.
Сонымен қатар, сайтта тақырыптық жарияланымдар, бейнежазбалар және интерактивті форматтар ұсынылады. Бұл материалдар Конституция жобасының мазмұнын және оның қоғам өміріндегі рөлін кеңірек түсіндіруге бағытталған.
Ұйымдастырушылардың айтуынша, жаңа ресурс реформалардың мәнін тереңірек білгісі келетін және саналы шешім қабылдағысы келетін азаматтар үшін тексерілген ақпарат алаңы болмақ.
Айта кетейік, коалиция құрамына жетекші саяси партиялардың өкілдері мен жүздеген қоғамдық ұйымдар енген. Қазіргі таңда елдің барлық өңірінде Жаңа Конституция жобасының ережелерін түсіндіруге бағытталған кездесулер мен қоғамдық диалогтар өткізіліп жатыр.
