Бұл туралы Қазақстан Республикасының Бас прокуратурасы хабарлады.
Ведомство мәліметінше, бұл шешім алаяқтықпен күресті күшейту мақсатында қабылданған. Бұған дейін алаяқтар «1414» нөмірін пайдаланып, өзін мемлекеттік орган қызметкері ретінде таныстырып, азаматтарды алдау фактілері жиі тіркелген.
Бас прокуратураның айтуынша, қаскөйлер әлі де бұрын қолданылған схемаларға жүгінуі мүмкін. Атап айтқанда, олар алдымен қандай да бір мемлекеттік органның атынан қоңырау шалып, кейін полиция немесе ұлттық қауіпсіздік комитетінің қызметкері ретінде екінші рет хабарласуы ықтимал. Осыдан кейін азаматтың телефонына келген SMS-кодты сұрап, оның жеке шотындағы қаражатты иемденуге немесе атына несие рәсімдеуге әрекет жасайды.
Осыған байланысты прокуратура азаматтарға тағы да ескерту жасайды:
-
мемлекеттік органдар мен банктер ешқашан SMS арқылы келген бір реттік кодтарды, банк картасының деректерін немесе құпиясөздерді сұрамайды;
-
«қауіпсіз шот» деген ұғым жоқ, ақша аударуды талап ету — алаяқтықтың айқын белгісі.
Егер күдікті қоңырау түскен жағдайда, бірден телефонды қойып, тиісті мемлекеттік органның ресми байланыс нөмірлеріне өзіңіз хабарласу ұсынылады.
