Шаһарды қыс мезгілінде 10 қазандық жылумен қамтамасыз етеді. Оның төртеуі кварталдық, бесеуі кіші қуаттағы қазандықтар. Ең үлкені «Басқуат». Бүгінде 2 қазандық жөндеуден өтіп жатқандықтан, қалада ыстық су өшірілген. Жиырма бесінші тамызда жөндеу жұмыстары аяқталып, қазандықтар қайта іске қосылмақ.
Талдықорған тұрғындарын қатты отынмен қамтамасыз ету мақсатында «ВостокУгольПром» ЖШС 200 мың тонна көмірге келісімшарт жаслаған. Әзірге 41 мың тонна көмір жеткізілген. Шаһар басшысы халықты толғандырған, көмір бағасына да тоқталып өтті.
«Қалада көмір 11 қоймада сатылып жатыр. 1 тонна көмірдің бағасы 14-15 мың теңгеден айналады. Баға соңғы 4-5 жылда көтерілмеген. Тасымалдаушылар бағасының қымбаттауына байланысты бұл тоқтамайтын процесс. Баға көтеріледі. Алдындағы жоспарлар бойынша бұл күз айларына немесе көктем айларына түсейін деп отыр», – деді қала әкімі Әсет Масабаев.
Бұдан бөлек, халыққа көгілдір отынды жеткізу мақсатында «ҚазТрансГаз-Аймақ» АҚ 5 жылға келісімшарт бар.
Айта кету керек, 51,3 млн. теңгеге қаладағы 6,8 шақырым су құбырын жөундеуден өткізу жоспарланған. Әзірге 3,9 шақырымы ауыстырылыпты.
