Қаңтар
Жаңа жыл мерекесіне орай тұрғындар төрт күн қатарынан демалады — 1–4 қаңтар аралығы.
Сондай-ақ 7 қаңтарда Рождество мерекесіне байланысты бір күн демалыс беріледі.
Наурыз
Наурыз айында екі ірі мереке қатар аталып өтеді — Халықаралық әйелдер күні мен Наурыз мейрамы.
8 наурыз жексенбіге сәйкес келгендіктен, демалыс күндері 7, 8 және 9 наурызды қамтиды.
Ал Наурыз мейрамына орай мерекелік күндер демалысқа ауыстырылып, қазақстандықтар 21–25 наурыз аралығында бес күн қатарынан демалады.
Мамыр
Мамыр айы да демалысқа бай болмақ.
1 мамыр — Қазақстан халқының бірлігі күні жұмаға сәйкес келеді. Осылайша демалыс 1–3 мамыр аралығында үш күнге созылады.
7 мамыр — Отан қорғаушылар күніне орай бір күн демалыс беріледі.
9 мамыр — Жеңіс күні сенбіге түскендіктен, демалыс 9–11 мамыр аралығын қамтиды.
Сонымен қатар 27 мамырда Құрбан айт мерекесі атап өтіледі. Бұл күн сәрсенбіге сәйкес келеді.
Шілде
6 шілде — Астана күні дүйсенбіге түсіп тұр. Осыған байланысты демалыс 4, 5 және 6 шілде күндерін қамтиды.
Тамыз
31 тамыз — Конституция күні дүйсенбіге сәйкес келеді. Демалыс күндері 29, 30 және 31 тамыз аралығында үш күн қатарынан беріледі.
Қазан
Республика күні 2026 жылы жексенбіге түседі. Осыған байланысты демалыс күні дүйсенбіге ауыстырылып, қазақстандықтар 24, 25 және 26 қазан күндері демалады.
Желтоқсан
Жыл соңында 16 желтоқсан — Тәуелсіздік күніне байланысты бір күн демалыс қарастырылған.
Осылайша, Қазақстан тұрғындары 2026 жылы мемлекеттік мерекелердің басым бөлігінде қатарынан үш және одан да көп күн демалу мүмкіндігіне ие болады.
