Марқұмның жұбайы Айбар Жанболат кінәлі деп танылып, 14 жылға бас бостандығынан айырылды.
Сот шешіміне сәйкес, сотталушы жәбірленуші тарапқа 20 миллион теңге көлемінде моральдық өтемақы төлеуге міндеттелді.
Қылмыс 2025 жылғы 22 маусымда жасалған. Сот-медициналық сараптама қорытындысына сәйкес, Айзат Жұманованың бас миының жабық жарақаты, ми ісінуі, бас сүйегінің негізі, қол-аяқтары мен жамбас сүйектерінің сынуы, сондай-ақ дөрекі бетпен сүйрелу іздері анықталған.
Айта кетейік, бұған дейін айыпталушы марқұмның терезеден селфи жасау кезінде құлап кеткенін мәлімдеген болатын.
